عادت الفنانة منال سلامة بعد غياب عن الساحة الفنية، وكشفت عن رأيها في المساكنة، مؤكدة أنها ضد الدين والعادات والتقاليد.
وقالت منال سلامة: “المساكنة ضد ديننا وعاداتنا، دا مينفعش راجل وست يقعدوا لوحدهم، ولكن المجتمع اختلف والست نزلت تشتغل وأنا بقعد مع زمايلي، ولكن إزاي أعيش مع راجل لوحدنا قبل الزواج عشان نعرف بعض؟ ولا دين ولا عُرف يسمح”.
وتطرقت منال سلامة عن سبب غيابها عن الساحة الفنية الفترة الماضية، قائلة: أنا طول عمري مش بنزل أشتغل إلا لو فيه دور حلو يرضيني، إنما لو مجاليش دور كويس مش بنزل وممكن أشتغل كل سنتين تلاتة عمل وأحد الأسباب كمان ولادي لانهم أولوية أولى في حياتي، ولما بحس الولاد والبيت محتاجني باخد استراحة محارب معاهم، هما دلوقتي كبروا ومعتمدين على نفسهم وبالتالي قررت أرجع تاني للوسط الفني وأحاول أختار أفضل ما يُعرض ومقعدش تاني.
منال سلامة: الفن مهنة مفيهاش استقرار
وتحدثت الفنانة منال سلامة عن صعوبة مهنة التمثيل، قائلة: الفن مهنة مفيهاش استقرار ولا أمان مادي؛ لأن كل يوم بيظهر ناس جداد والمناخ أتغير، والناس بتشوف الفنانين أجورهم عالية؛ ودا لأننا عددنا قليل ومصاريفنا أكتر من الشخص العادي، وممكن نشتغل سنة وسنتين لأ يبقى بيتنا هيتفتح منين، فيه مهن كتير مفيهاش أمان مادي ولا استقرار زي الفن، بس الشخص العادي لما بيركن عربيته السايس مش بيشوفه مليونير