فاجأ الفنان المصري طارق الدسوقي، الجمهور بعد أن طلب يد الإعلامية ياسمين عز للزواج، بطريق غير مباشرة على الهواء خلال لقائه ببرنامج “كلام الناس” المذاع على قناة “ام بي سي مصر”.
وقال طارق الدسوقي مخاطباً ياسمين: “انا شكلي هابعت أجيب المأذون قبل الحلقة ما تخلص”، لترد المذيعة: “احنا اخوات أنا أخت الضيوف في برنامجي”.
وأضاف الفنان: “لو أنا وزوجتي اختلفنا وهي أصرت وأنا اصريت وفيه مبررات ليها وفيه مبررات ليا في الاَخر كلام الزوج لازم يمشى لإنه هو مسئول عن تبعات القرار بالمكسب والخسارة ومن غير العدل اكون مسئول عن قرار مش انا اللى واخده، لتعلق ياسمين عز:”في الاَخر الزوج هو اللى كلامه يمشي”.
وقال الفنان طارق الدسوقي: “اتجوزت مرتين، وكل جوازة كانت لمدة 12 سنة، وخلفت في كل مرة بنت وولد وبينهم 4 سنين، ودي حاجة غريبة أنا مش فاهمها لحد دلوقتِ”.
وتابع خلال لقائه بنفس البرنامج: “علاقتي بزوجتي الأولى والثانية حتى بعد الانفصال جيدة جدًّا وأولادي الـ4 بيحبوا بعض أوي وبيحبوني وأنا كل حاجة في حياتهم وبتابع كل تفاصيل حياتهم”.
وأستكمل الفنان طارق الدسوقي: “كل كبيرة وصغيرة في حياة ولادي الأربعة انا بتابعها وكل قرار مصيري أنا موجود فيه، وهما بيعتبروني صديقهم مش بس أبوهم”.